የአዘና ከተማ

የአዘና ከተማ በፕላን የምትመራ፣ፍትሐዊና ቀልጣፋ የመሬት አቅርቦት ያላት፣መሠረተ-ልማትና የማህበራዊ አገልግሎቶች የተስፋፉባት፣ለነዋሪዎች የሚመች ውብና ማራኪ ከተማ እንድትሆን የብልፅግነ ጉዞችንን መሠረት ያደረገ ዕቅዶችን ተግባራዊ በማድረግ ላይ እንገኛለን።በከተማችን የመሠረተ ልማት ሥራዎችንና የማህበራዊ አገልግሎቶችን ማስፋፋት፣ለኑሮና ለሥራ ምቹ እንድትሆን ማድረግ ዋና ዋናዎቹ ተግባራት እምቅ የተፈጥሮ ፀጋ ተመራጭ የኢንቨስትምንት ከተማ ሜዳማ የመሬት አቀማመጧን ከተፈጥሮ የተቸራት ሁለት ታላላቅ ወንዞች በቅርብ ርቀት የሚያጠጧት የትርፍ አምራች ወረዳ ርዕሰ ከተማ፤ አዘና ከተማ የአየሁ ጓሁሳ ወረዳ በ2009 ዓ/ም በአስተዳደር ራሱን ችሎ ከተደራጀ በኋላ የሚገባትን ያክል ነው ባይባልም ለውጥ ላይ ያለች ከፍትኛ የንግድ እንቅስቃሴ ኢንቨስተሮችና ባለሃብቶች መፍለቂያ ስራ ወዳድ ህዝባ ያለባት፣ በቆሎ ስንዴ፣አተር ጤፍ በርበሬ፣ዳጉሳ፣ብቻ የእህል ዓይነት ሁሉ እየተጫነ የሚወጣባት የምርት ኮሪደር ከተማ ነች አዘና፤ከተማዋ ከመሬት ወለል በላይ በ2700 ሜትር ከፍታ ላይ የምትገኝ ሲሆን ወይና ደጋ የአየር ንብረት ባለቤትም ናት፡፡ አዘና ከተማ ለመንግስትና ለሀገር ጥሪ ቀድምው ምላሽ በመስጠትና በመደገፍ እንዲሁም ግብር በመክፍል በከተማዋ ልማት ላይ ቁርጠኛ የሆነ የንግዱ ማህበረሰብ ያለባት ሲሆን የህዝቧ ቁጥር ከጊዜ ወደ ጊዜ እየጨመረ የሄደ ቢሆንም የነዋሪዋ የልማት ፍላጎትና የመሰረተ ልማታ ተደራሽነት ከፍተኛ ተግዳሮት ሆኗል፡፡ ከተማዋ ረጅም የምስረታ ታሪክ ያላት ቢሆንም ከአድያም ሰገድ በፊት ለብዙ ዓመታት በከተማዋ መሃል ከተማ ላይ ሰኞ ሰኞ ይካሄድ በነበረው ገበያ ስም ሰኞ(ማቻኻ) ተብላ ነዋሪዋም ማቻ ማቻ (ሰኞዎች) ተብሎ ይጠራ ነበር:: አዘና በ1966 ዓ/ም በከተማነት ስትቆረቆር 11 ቤት ነበራት ከዚያም ጊዜ ጀምሮ በተለያዩ አስተዳደራዊ ስርዓት እየተተዳደረች 1974 ዓ/ም ጀምሮ በራሷ ንዑስ ቀበሌ መዋቅር ዘርግታ በአዘና ከተማ 01 ቀበሌ አስተዳደር ይኸው እሰከ ዛሬ እየተዳደረች ትገኛለች፡፡ ከተማዋ በ1999 ዓ/ም ታዳጊ ማዘጋጃ ቤት የተዋቀረች ሲሆን በመጀመሪያ የከተማዋ ፕላን ይዞ ስራ በመጀመር በ2000 ዓ/ም የቤቶች ምሪት እና የመንገድ ከፈታ እንዲሁም ከተማዋ በፕላን እንድትመራ በማድረግ ተግባሩን እየተወጣ የመብራት የውሃ እና የጠጠር መንገድ ከፈታ ስራዎችን እያከናወነ መሰረተ ልማቶችን ለህዝብ ተደራሽ ለማድረግ ጥረት ተደርጓል፡፡ከተማዋ በ2006 ዓ/ም ወደ ሊዝ ስርዓት የገባች ሲሆን ከመጀመሪያው ከ1996 ዓ/ም መዋቅራዊ ፕላን በኋላ በ2006 ዓ/ም አንድ ጊዜ ከልሳለች፡፡ አዘና ለብዙ ዓመታት በመተከል አውራጃ በአንከሻ ስትተዳደር ከቆየች በኋላ በ2009 ዓ/ም ከእንከሻ ጓ/ወረዳ በመገንጠል አየሁ ጓጉሳ ወረዳ ብሎ የበራሱ አስተዳደራዊ መዋቅር ሲደራጅ የወረዳው ርዕሰ ከተማ ሆና እያገለገለች ትገኛለች፡ አየሁ ጓ/ወረዳ በአስተዳደራዊ መዋቅሩ ራሱን ሲችል ከንዑስ ወደ መሪ ማዘጋጃ ቤት በማደግ ይሄው ተቋማዊ ሃላፊነቱን እየተወጣ ይገኛል፡፡ በዚህ ዓመትም የ2ኛዋን የ10 ዓመት ፕላን ክለሳዋን እያከናዋነች ትገኛለች፡፡ይህም ከተማዋ ደረጃዋንና ክብሯን በሚመጥን ደረጃ የህዝቧን የልማትና የእድገት ፍላጎት ታሳቢ ያደረገና የህዝቧን እኩል ተጠቃሚነት፣ፍትሃዊ ማህበራዊና ኢኮኖሚያዊ ተጠቃሚነት በሚያረጋግጥ መልኩ እየተከለሰ ይገኛል፡፡ ከተማዋ በፌደራል በጀት ከከሳ ግ/ቤት አዘና አምበላ የአስፓልት መንገድ እየተሰራላት ሲሆን ይህን መልካም ዕድል ለልማቷ ሸማ እድራጋ ትድምቅበታለች፡፡